ہزار گردشِ شام و سحر سے گذرے ہيں . صوفی تبسّم

[سخنور]

ہزار گردشِ شام و سحر سے گذرے ہيں
وہ قافلے جو تری رہگذر سے گذرے ہيں

ابھي ہوس کو ميسر نہيں دلوں کا گداز
ابھي يہ لوگ مقامِ نظر سے گذرے ہيں

ہر ايک نقش پہ تھا تيرے نقشِ پا کا گماں
قدم قدم پہ تری رہ گذر سے گذرے ہيں

نہ جانے کون سی منزل پہ جا کے رک جائيں
نظر کے قافلے ديوار و در سے گذرے ہيں

کچھ اور پھيل گئيں درد کي کٹھن راہيں
غمِ فراق کے مارے جدھر سے گذرے ہيں

جہاں سرور ميسر تھا جام و مئے کے بغير
وہ مے کدے بھی ہماری نظر سے گذرے ہيں

(صوفی تبسّم)

[رضی الدین قاضی]

بہت ہی زبردست ۔
شیئرنگ کے لیئے پھر شکریہ سخنور جی۔

[شازل]

صوفی تبسم نے میرے خیال میں بچوں کے لیے بھی کافی کچھ لکھا ہے
اور یہ غزل بھی کافی اچھی ہے

[سخنور]

بہت ہی زبردست ۔
شیئرنگ کے لیئے پھر شکریہ سخنور جی۔

بہت شکریہ رضی صاحب!

[سخنور]

صوفی تبسم نے میرے خیال میں بچوں کے لیے بھی کافی کچھ لکھا ہے
اور یہ غزل بھی کافی اچھی ہے

شکریہ شازل صاحب! میں نے صوفی صاحب کی بچوں کی کافی نظمیں ٹائپ کر رکھی ہیں. فرصت ملتے ہی انہیں بھی شئیر کرتا ہوں.

[بوبی]

لاجواب سخنور بھائی شکریہ شئیر کرنے کا

[شازل]

یہ ٹوٹ بٹوٹ کا خالق کون ہے

[چاند بابو]

جہاں سرور ميسر تھا جام و مئے کے بغير
وہ مے کدے بھی ہماری نظر سے گذرے ہيں

بہت خوب سخنور بھیا بہت اچھی شیئرنگ ہے۔

[سخنور]

لاجواب سخنور بھائی شکریہ شئیر کرنے کا

بہت شکریہ بوبی صاحب!

[سخنور]

یہ ٹوٹ بٹوٹ کا خالق کون ہے

شازل صاحب، ٹوٹ بٹوٹ کے خالق تو صوفی غلام مصطفیٰ تبسّم صاحب ہی ہیں. لیکن ویب کی دنیا میں صوفی صاحب کی کتاب "ٹوٹ بٹوٹ" کو متعارف کروانے کا کام اسی خاکسار نے کیا ہے.

[سخنور]

جہاں سرور ميسر تھا جام و مئے کے بغير
وہ مے کدے بھی ہماری نظر سے گذرے ہيں

بہت خوب سخنور بھیا بہت اچھی شیئرنگ ہے۔

بہت شکریہ چاند بابو صاحب!