آؤٹرنیٹ کردے گا انٹرنیٹ کی چُھٹی

[علی عامر]

برقی رابطے کی نئی ٹیکنالوجی دنیا بھر میں بلامعاوضہ استعمال کی جاسکے گی.

انٹرنیٹ، ایک جادوئی ٹیکنالوجی، جس نے ہماری دنیا بدل کر رکھ دی۔
آج شاید ہی کوئی شعبہ اس ٹیکنالوجی کے دائرۂ اثر سے باہر ہو۔ ہر شعبے میں بالواسطہ یا بلاواسطہ انٹرنیٹ کا عمل دخل نظر آتا ہے۔ الغرض انٹرنیٹ ٹیکنالوجی روزمرّہ زندگی کا حصّہ بن چکی ہے۔ انٹرنیٹ سے استفادہ کرنے کے لیے ہم مختلف کمپنیوں کے محتاج ہیں۔ انہیں انٹرنیٹ سروس پرووائیڈر (آئی ایس پیز) کہا جاتا ہے۔ ہم ان کمپنیوں کی فیس ادا کر کے انٹرنیٹ کنکشن حاصل کرتے ہیں اور انٹرنیٹ کے ذریعے دنیا سے جُڑ جاتے ہیں۔
یہ بھی حقیقت ہے کہ اس جادوئی ٹیکنالوجی سے دنیا کے ہر خطے کا فرد مستفید نہیں ہو رہا۔ کہیں آئی ایس پیز کا مسئلہ ہے، تو کہیں غربت اور پس ماندگی انٹرنیٹ سے استفادہ کرنے کی راہ میں حائل ہے۔
اس صورت حال میں آپ انٹرنیٹ تک دنیا کے ہر فرد کی بلامعاوضہ رسائی کا تصور کر سکتے ہیں؟ ایسا ہو سکتا ہے، کیوں کہ ایک تنظیم کی جانب سے اس تصور کو حقیقت میں بدلنے کے لیے کام شروع کر دیا گیا ہے۔ کہا جارہا ہے کہ دو برس کے بعد دنیا کا ہر فرد مفت انٹرنیٹ استعمال کرے گا۔

یہ دعویٰ نیویارک میںمیڈیا ڈیولپمنٹ انویسٹمنٹ فنڈ ( ایم ڈی آئی ایف) نامی تنظیم نے کیا ہے اور اس پر عملی کام بھی تیزی سے جاری ہے۔ یہ منصوبہ ’’آؤٹرنیٹ‘‘ کے نام سے آگے بڑھ رہا ہے۔
’’ آؤٹرنیٹ ‘‘ پروجیکٹ کے لیے ’’ ڈیٹا کاسٹنگ‘‘ ٹیکنالوجی استعمال کی جائے گی۔ اس ٹیکنالوجی کے تحت ڈیٹا ریڈیائی لہروں کی صورت میں بھیجا جاتا ہے۔ ایم ڈی آئی ایف کا کہنا ہے کہ اس ٹیکنالوجی کی مدد سے انٹرنیٹ کو خلا سے دنیا بھر میں پھیلایا جاسکے گا۔ اس مقصد کے لیے سیکڑوں چھوٹے مصنوعی سیارے ارضی مدار میں بھیجے جائیں گے۔ یہ بالکل ایسے ہی ہوگا جیسے سیٹیلائٹ چینلز کے سگنلز خلا سے زمین پر پہنچتے ہیں اور پھر ٹیلی ویژن سیٹ انہیں کیچ کر لیتے ہیں۔
زمین کے زیریں مدار میں بھیجے جانے والے مصنوعی سیارے دنیا بھر میں موجود مختلف اسٹیشنوں سے ڈیٹا وصول کریں گے اور ’’یوزر ڈیٹاگرام پروٹوکول‘‘ نامی تیکنیک کے ذریعے اس ڈیٹا کو زمین پر بھیج دیں گے۔

سید کریم اس پروجیکٹ کے سربراہ ہیںِ۔ ان کا کہنا ہے کہ ’’آؤٹر نیٹ‘‘ کے لیے مطلوبہ ٹیکنالوجی پہلے ہی موجود ہے، جس کی وجہ سے اس منصوبے کی تکمیل میں زیادہ وقت صرف نہیں ہوگا۔ رواں برس جون میں یہ تنظیم ناسا سے بین الاقوامی خلائی اسٹیشن پر اس ٹیکنالوجی کے آزمائشی تجربات کے لیے اجازت طلب کرے گی، جس کے بعد جون 2015ء میں ارضی مدار میں مصنوعی سیاروں کو بھیجا جائے گا۔ اس کے ایک برس بعد ’’آؤٹر نیٹ‘‘ حقیقت بن جائے گا۔
اس بات کا امکان بھی ہے کہ ٹیلی کام اور انٹرنیٹ سروس فراہم کرنے والی کمپنیاں اس منصوبے کی راہ میں رکاوٹیں ڈالنے کی کوشش کریں، مگر سید کریم کے مطابق وہ اور اس منصوبے کی ٹیم ان کا مقابلہ کرنے کے لیے پوری طرح تیار ہے۔

بشکریہِ: روزنامہ ایکسپریس لاہور

[اضواء]

خبر کی فراہمی پر آپ کا بہت بہت شکریہ

[علی خان]

بہت بہت شکریہ.
ویسے بہت ہی زبردست نیوز سنا رہیں آپ. اللہ کرے کہ ایسا ممکن ہو جائے. مگر دیکھتے ہیں کہ آگے آگے ہوتا ہے کیا.

[چاند بابو]

بہت خوب یہ تو ایک بہت اچھی اور کچھ حد تک چونکا دینے والی خبر ہے.

[محمد شعیب]

Wawwwwwwww
یقین نہیں آرہا کہ ایسا بھی ہو سکتا ہے... اگر ایسا ہو گیا تو سمندر،صحرا،پہاڑ الغرض ہر جگہ انٹرنیٹ میسر ہو گا. بظاہر بہت مشکل ہے لیکن ناممکن نہیں ..
شئرنگ کا شکریہ..

[علی خان]

میرے خیال میں اسمیں امریکہ بہادر کی اپنی عرض ہے. اس لئے یہ بالکل ممکن ہے. کیونکہ ان لوگوں نے افغانستان ، پاکستان اور اسی طرح کے دوسرےممالک کی جاسوسی کرنی ہے. اور اُسکےلئے یہ لوگ بہت ہی ہٹ کر اپنا کر کام دکھاِ رہیں ہیں. جیسا کہ ان لوگوں سے اَن ایکٹیو پتھر کی شکل کے سپائی راکس ہر جگہ گرانے شروع کر دیئے ہیں. یہ راکس اپنی توانائی سورج سے حاصل کر رہیں ہیں، اور یہ بہت ہی کم توانائی خرچ کر رہیں ہیں، اتنی کم کے ہماری سوچ سے بھی سے کم، یہ ڈیوائسیسز تب تک اَن ایکٹیو رہتے ہیں، جب تک ان کے نزدیک کوئی ایکٹیوٹی نہ ہو، جب بھی کوئی آواز ان کے پاس آتی ہے تو وہ آواز یہ ڈیوائس ریکارڈ کر لیتا ہے. پھر یہی سب کچھ یہ ایک ڈیوائس سے دوسرے ، دوسرے سے تیسرے ڈیوائس کو منتقل کرکے اپنے سرور کو پہنچا دیتا ہے. اور پھر وہاں پر آواز کو فلٹر کیا جاتا ہے، اور اگر وہ آواز کسی بھی مطلوب شخص کی ہے تو پھر اُسکی خیر نہیں ہے. ہاہاہاہا
ویسے ان ڈیوائسیسز میں بھی آواز کو فلٹر کرنے اور انکو ریموٹلی اَپ ڈیٹ کرنے کی سہولت بھی موجود ہے. تو میری نظر میں یہ سب کچھ ان لوگوں کو درکار ہے. اور اُسکے لئے یہ لوگ انسانی بھلائی او ر اس طر ح کے دوسرے نام دے کر ان ناموں اور کاموں کی آڑ میں اپنا کام کر رہیں ہیں، اور دُنیا پر حکمرانی کر رہیں ہیں.

تصویر ملاحظہ کریں.

[علی خان]

[محمد شعیب]

اشفاق علی بھائی
بہت ہی عمدہ معلومات شئر کرنے کا شکریہ

[علی عامر]

شکریہ اشفاق بھائی

[نورمحمد]

ناقا بل یقین مگر ناممکن نہیں !!!!

[چاند بابو]

کمال ہے. ان کے بارےمیں پہلے پڑھا ضرور تھا مگر یہ پتھر دیکھے آج ہی ہیں.

[افتخار]

بہت بہت شکریہ.

[علی خان]

کمال ہے. ان کے بارےمیں پہلے پڑھا ضرور تھا مگر یہ پتھر دیکھے آج ہی ہیں.

ماجد بھائی. میرا مشورہ ہے کہ آپ بھی اس پر سرچ کریں، اور اپنی وہ سرچ کو اُردو میں ترجمعہ کرکے یہاں اس فورم کی زینت بنائیں. تاکہ بہت سے دوستوں کا بھلا ہو جائے.

[چاند بابو]

جی اشفاق بھیا میں کوشش کروں‌گا.
ویسے یہ تو آپ نے تقریبا شئیر کر ہی دیا ہے مجھے کچھ اور بتا دیں کچھ اچھوتا سا میں اس پر تحقیق کر لوں گا.

[نورمحمد]

کمال ہے. ان کے بارےمیں پہلے پڑھا ضرور تھا مگر یہ پتھر دیکھے آج ہی ہیں.

ڈسکوری میں اس طرز کے کیمیرے دیکھنے ملتے ہیں

[علی خان]

ماجد بھائی. میں اپکو ایک ٹپ دے رہا ہوں. آپ اُسکو لے کر باقی معلومات انگلش سے اُردو ترجمعہ کر سکتے ہیں.

یہ لوگ اسکے علاوہ ان راکس میں بم بھی نصب کر رہیں ہیں. کہ اگر کہیں پر بھی وانٹیڈ بندہ نزدیک ہو، تو بم کو اُس پر استعمال کیا جا سکے نہ کہ ڈرون بھیجیں پھر اُسکی ویڈیو کنفرم کریں اور پھر اُسکے بعد میزائل سے اُس کو ہٹ کرنے کی کوشش کریں. اصل میں ان راکس میں بہت ہی عام اور سستی ٹیکنالوجی یہ لوگ استعمال کر رہیں ہیں. جو اگر کسی کے ہاتھ لگ بھی جائے تو کوئی مسئلہ نہیں، اور سب سے بڑھ کر ان راکس میں آواز کو فلٹر کرنے کی صلاحیت بھی موجود ہو گی. اس لئے ادھر بندے کو منہ سے آواز نکلی اور اُدھر بم ڈیفیوز ہو گیا.

[چاند بابو]

جی اشفاق بھیا میں انشااللہ اس بارے میں ضرور دیکھوں گا.

[علی خان]

ماجد بھائی . اپکے معلوماتی ریسیرچ فیچر کا انتظار ہے.

[چاند بابو]

یار اشفاق بھیا میں معذرت خواہ ہوں مجھے تو اس کام کے لئے بھی وقت نہیں مل پایا ہے جس کا آپ نے میرے موبائل پر حکم کیا تھا.
دراصل آجکل دفتر میں انتہا کا کام ہے اس لئے میں اس بارے میں ابھی کچھ نہیں کر پایا ہوں.

[یاسر عمران مرزا]

میرے خیال میں اسمیں امریکہ بہادر کی اپنی عرض ہے. اس لئے یہ بالکل ممکن ہے. کیونکہ ان لوگوں نے افغانستان ، پاکستان اور اسی طرح کے دوسرےممالک کی جاسوسی کرنی ہے. اور اُسکےلئے یہ لوگ بہت ہی ہٹ کر اپنا کر کام دکھاِ رہیں ہیں

بالکل ممکن ہے اور 99 فیصد یہی بات ہے کہ یہ لوگ ایسے پراجیکٹ جاسوسی کے لیے بناتے ہیں.