لندن : بھارتی نژاد برطانوی بچی نے ذہانت میں آئن اسٹائن جیسے جانے مانے سائنسدان کو بھی پیچھے چھوڑ دیا۔
نیہا رامو نامی 12 سالہ لڑکی نے عالمی تنظیم مینسا کے آئی کیو ٹیسٹ میں اب تک کے سب سے زیادہ پوائنٹس 162 حاصل کرکے سب کو حیران کر دیا۔
اتنی کم عمر کے باوجود ذہانت کا یہ پیمانہ دنیا کے ذہین ترین انسانوں جیسے اسٹیفن ہاکنگ، بل گیٹس اور البرٹ آئن اسٹائن سے بھی زیادہ ہے جن کا آئی کیو لیول 160 تھا۔
نیہا کے والدین 7 برس قبل بھارت سے برطانیہ منتقل ہوئے اور انہیں کبھی یہ محسوس نہیں ہوا کہ ان کی بچی اتنی زیادہ ذہین ہے۔
نیہا نے مینسا کے 18 سال سے کم عمر افراد کیلئے مختص ٹیسٹ میں تمام نمبر حاصل کرلئے جس کا مطلب ہے کہ اس کا آئی کیو لیول ابھی بھی صحیح طور پر سامنے نہیں آسکا ہے، کیونکہ 162 کے بعد اس میں مزید کوئی پوائنٹ ہی نہیں تھا
