ٹھہرا ہوا پانی ،،،،

[انور جمال انور]

کبھی ٹھہرے ہوئے پانی کو دیکھو غور سے جاناں

تمہیں محسوس ہوگا

کس قدر وہ پرسکوں ہو کر

کسی تالاب

کی گہرائیوں

کے ان گنت

پھیلے ہوئے

رقبے میں گہری نیند سویا ہے

وہ اپنی ذات میں گم ہے

وہ اپنے آپ میں

مدہوش ہو کر

بھول بیٹھا ہے

کہ

یہ دنیا ہے

اس کی سرزمیں

ہلچل

کشاکش
سے گندھی ہے

تم

کوئی پتھر اٹھاؤ

اور اس میں پھینک دو یکدم

پھر اس کے بعد

جو ہوگا

وہی ہوتا ہے میرے دل میں

جب تم یاد آتے ہو

__________________
انور جمال انور

[شازل]

آزاد شاعری بھی خوب ہے بندہ اپنے دل کی بات بڑی آسانی سے بیان کرسکتا ہے

[چاند بابو]

بہت خوب محترم ایک اچھی شئیرنگ کا بہت بہت شکریہ.

[اضواء]

بہت ہی بہترین ہے آپ کا شکریہ

[محمد نبیل خان]

اچھی شئیرنگ کا بہت بہت شکریہ