سرگودھا میں چھاپے۔ ذخیرہ کی گئیں چینی کی10 ہزار بوریاں برآمد

[علی عامر]

سرگودھا…سرگودھا میں چھاپوں کے دوران مختلف مقامات پر ذخیرہ کی گئی چینی کی دس ہزار بوریاں برآمد کرلی گئیں۔ڈی سی او سرگودھا عظمت محمود کے مطابق واٹر سپلائی روڈ اورلیاقت مارکیٹ سمیت شہر کے مختلف علاقوں میں ذخیرہ اندوزوں کیخلاف کارروائی کرتے ہوئے چھاپے مارے گئے ،جس کے دوران دس ہزار سے زائد چینی کی بوریاں برآمد کرلی گئیں۔ڈی سی او کاکہنا تھا کہ برآمد ہونیوالی چینی میں بھارتی چینی کی آٹھ ہزار بوریاں بھی شامل ہیں۔کارروائی کے دوران چار گوداموں کو سیل اور دو ٹرالر قبضے میں لے لیے گئے۔

بشکریہ۔ روزنامہ جنگ
12-نومبر-2010ء

[چاند بابو]

اچھا آغاز ہے۔
لیکن یہ بہت کم ہے۔
یہ لوگ شوگر ملز مالکان کے گوداموں میں چھاپے کیوں نہیں مارتے
یا ایوانِ اقتدار کے مکینوں کے گوداموں پر چھاپے کیوں نہیں مارتے۔
جہاں اتنی چینی کا ذخیرہ بہرحال موجود ہے کہ اگر باہر آ جائے تو چینی چالیس روپے فی کلو بک سکتی ہے۔

[بلال احمد]

چاند بھائی 40روپے بھی مہنگی ہے. اگر یہ کالی بھیڑیں سیٹ ہو جائیں‌تو چینی پرانی قیمت مطلب 25،30روپے تک بھی آسکتی ہے.
جہاں تک یہ چینی پکڑے جانے کا تعلق ہے تو یہ پکڑی تو گئی لیکن پھر کہاں گئی یہ کسی کو بھی معلوم نہ ہو گا. صرف اتنا ہو گا کہ جو افراد زخیرہ اندوزی میں ملوث ہیں وہ "نذرانے" بڑھا دیں گے تاکہ ادھر چھاپے نہ پڑیں.

مزہ تو تب آئے کہ سب کو ایک ہی لائن میں کھڑے کر کے تو چیکنگ کی جائے اور ساری کی ساری چینی برآمد کر کے عوام کو ریلیف مہیا کیا جائے لیکن ہمیں "نذرانے" لینے سے فرصت ملے تب نہ.

[چاند بابو]

میں آپ کی تحریر سے بالکل متفق ہوں۔

[علی عامر]

چاند بابو اور بلال بھائی کے تجزیے ۔۔۔۔ حقیقت کے عکاس ہیں۔

یہ سب ایک ہی حمام میں‌ننگے ہیں۔

بغل میں‌چھری ۔۔۔۔۔۔۔۔منہ میں رام رام!