داتا دربار خود کش دھماکہ

[علی عامر]

[center][/center]

روزنامہ جنگ
01-جولائی-2010

[علی عامر]

یا اللہ، ہمارے وطن عزیز کو دہشت گردی سے محفوظ فرما۔آمین۔

[چاند بابو]

بہت بری خبر ہے، یہ مذہبی مقامات پر دھماکے کرنے والوں میں ہر گز ہرگز مسلمان شامل نہیں ہیں بلکہ آج کل تو ان دھماکوں میں وہ عناصر ملوث ہیں جو جنوبی پنجاب میں سے دہشت گرد نکلتے دیکھ رہے ہیں اور دن رات ایک ہی راگ الاپتے ہیں۔ انہیں نہ تو کسی مذہب سے سروکار نہیں انہیں تو اپنے آقا سے سروکار ہے اور ان کے جوتوں کی پالش کا خیال ہے جسے یہ چاٹ چاٹ کر چمکانے کی ہمہ وقت کوشش کرتے ہیں۔

[شازل]

یہ دہشت گرد اسلام کی آڑ لے کر اپنے مذموم مقاصد پورے کررہے ہیں

[فرحان دانش]

داتا دربار کو فرقہ واریت سے بالاتر ایک غیر متنازعہ مقدس مقام سمجھا جاتا تھا مگر دہشت گردوں نے اس مقدس جگہ کوبھی نہیں بخشا۔ یااللہ دہشت گردوں پرخصوصی عذاب نازل فرما۔آمین

[عبدالرزاق ق]

سدا ای وسدا رہنا ڈیرہ داتا دا
ABDUL RAZZAQ QADRI
از قلم عبدالرزاق قادری
جیسا کہ میری پچھلی تحریروں سے ظاہر ہے کہ میں 12 اگست سن 2000 عیسوی ہفتے کی شام ساڑھے نو بجے لاہور آیا۔ ریلوے سٹیشن سے تانگے پر بیٹھ کر داتا دربار تک آگئے۔ یہ میرا ریلوے کا اور فیصل آباد سےلاہور تک کا پہلا سفر تھا۔ مجھے راتوں رات ہی دربار دیکھ لینے کا شوق تھا لیکن اگلے دن یہ سعادت نصیب ہوئی۔

ان تیرہ سالوں میں دوبار درندوں نے اس مقدس درگاہ کی بے حرمتی کرنے کی کوشش کی۔ پہلی بار پرویز مشرف کے دور میں 2001 میں ایک پولیس افسر کلب عباس کی پولیس جوتوں سمیت مسجد اور دربار کے احاطے میں گھس گئی اور ایک سیمینار کے حاضرین پر دھاوا بولنے کے علاوہ دربار کے احاطے میں قرآن پڑھتے لوگوں پر بھی لاٹھی چارج کیا۔ اور دوسری بار سن 2010 میں بد بختوں نے داتا دربار پر بم دھماکے کر دئیے۔ یہ جولائی کی یکم تاریخ تھی۔ پھر یہ جولائی پورے ملک میں امن سے خالی گزرا۔ اس انتہا کی دہشت گردی اور سفاکی کا مظاہرہ کرنے والوں کے ماسٹر مائنڈ ٹولے کے جذبات اور اقدامات چڑھے سورج کی طرح انٹرنیٹ پر موجود ہیں۔ ان کی وڈیوز دیکھ کر بخوبی اندازہ لگایا جا سکتا ہے کہ یہ جہنمی ٹولہ جو یہودی لابی کی "ایڈ" پر پلتا ہے کیا کیا ارادے رکھتا ہے۔ ان سفاکانہ دھماکوں کو تین سال مکمل ہو رہے ہیں۔ اور کروڑوں عقیدت مند آج تک عدل کی زنجیر کا منہ تاک رہے ہیں۔ مجرموں کا گرفتار نہ ہونا حکومتی رٹ ختم ہوجانے کے مترادف ہے۔ آنے والے کل کا مؤرخ کیا لکھے گا کہ اسلام کے نام پر قائم ہونے والی مملکت میں اسلام کے مراکز اور درگاہیں تک محفوظ نہ تھیں۔ اور ان کی حرمت کے دشمن کھلے عام دندناتے پھرتے تھے؟ اس بات سے سب آگاہ ہیں کہ داتا دربار کی حرمت کے دشمن وہی لوگ ہوسکتے ہیں جو وہاں حاضری دینے والے مسلمانوں کو مشرک کہتے ہین۔ تاہم، حکومتی ادارے ان لوگوں کے خلاف تادیبی کارروائی کرنے سے گریزاں ہیں۔ نجانے ادارے کسی خوف میں ہیں یا ان کے اپنے کچھ خاص مقاصد/تعلقات ان دہشت گرد گروہوں سے ہیں۔ بہرحال سفاکی اور بزدلی ایک ہی برائی کے دو نام ہیں۔ اللہ تعالیٰ ایسے سفاک بزدلوں اور ان کے پشت پناہوں کو دردناک عذاب سے ہمکنا کرے گا کیونکہ ان درندوں نے اللہ کے ولی سے دشمنی مول لی ہے اور حدیث پاک کے مطابق اللہ تعالیٰ ایسے لوگوں کے خلاف اعلان جنگ کرتا ہے۔ میں نے ایک بار کہیں پڑھا تھا کہ ایک مغل بادشاہ نے وصیت کی تھی کہ اسےداتا دربار کی سیڑھیو ں میں دفن کیا جائے۔ اس دور میں وہ سیڑھیاں مشرقی جانب ہوتی تھیں۔ اس تحریر کے مطابق جہاں چند سال پہلے تک چراغ رکھے جاتے تھے ان سے پہلے یہ سیڑھیاں تھیں۔ بعد کی توسیعات نے نقشے میں تبدیلیاں وضع کیں۔ اگر آپ داتا دربار کا بغور دورہ کریں تو آپ کو معلوم ہو گا کہ بہت سے بادشاہوں اور امراء نے یہاں سلام کیا اور اس درگاہ کی تعمیر و توسیع میں اپنا حصہ ڈالا۔ کہیں آپ کو گورنر اختر حسین کا نام نظر آئے گا تو کہیں ذوالفقار علی بھٹو کا۔ کہیں ضیاءالحق کا نام تو کہیں میاں محمد نواز شریف کا نام نظر آئے گا۔ کہیں اسحاق ڈار کا نام تو کہیں مولوی فیروز دین(فیروز سنز والے) کا نام۔ ان تعمیرات کی تاریخ جاننا مقصود ہو تو ڈاکٹر غافر شہزاد کی کتب دیکھیں۔ ان معلومات پر کئی پی۔ایچ-ڈی کے مقالہ جات لکھے جا سکتے ہیں۔ یہ وہ مقام ہے جہاں بادشاہوں کے سر جھکے۔ یہاں اربوں لوگ حاضری دیتے رہے۔ ان کا دشمن بے نام ونشان اور ناکام رہا۔ اللہ تعالیٰ نے ان کا نام سربلند کر کے خلق کے دلوں میں ان کی عقیدت ڈال دی۔
[link]سدا ای وسدا رہنا ڈیرہ داتا دا[/link]
[link]http://afkaremuslim.blogspot.com/2013/0 ... st_27.html[/link]

[عبدالرزاق ق]

لاہور: سنی تحریک کا داتا دربار حملے کے ملزمان کی عدم گرفتاری پر دھرنا


July 01, 2013 - Updated 200 PKT

New 0 0 0
لاہور … لاہور میں تحفظ ناموس رسالت محاذ نے داتا دربار پر دہشت گردوں کے حملے کو 3 سال پورے ہونے اور ملزمان کے گرفتار نہ ہونے کے خلاف ایوان وزیر اعلیٰ کے باہر دھرنا دیا۔ پاکستان سنی تحریک اور تحفظ ناموس رسالت محاذ کے کارکنوں نے دھرنے کے دوران پوسٹر اوربینر اٹھا رکھتے تھے جن پر ملزمان کی گرفتاری کے مطالبات درج تھے۔ مظاہرین کاکہناتھا کہ حکومت پنجاب دہشت گردوں کی گرفتار ی میں سنجیدہ نہیں۔ تحفظ ناموس رسالت محاذ کے صدر رضائے مصطفی نقشبندی اور ڈاکٹر آصف اشرف جلالی کا کہنا تھا کہ سانحہ داتا دربار کے ملزم گرفتار نہ ہونا سیکیورٹی اداروں کی کارکردگی پر سوالیہ نشان ہے۔
ربط
[link]http://urdu.geo.tv/UrduDetail.aspx?ID=107532[/link]

[عبدالرزاق ق]

سانحہ داتا دربار کے ملزموں کا 3 سال بعد بھی گرفتار نہ ہونا حکومت کے منہ پر طمانچہ ہے،ناموس رسالت محاذ
اسلام ٹائمز:وزیراعلیٰ ہاؤس کے سامنے دھرنے کے شرکا سے خطاب کرتے ہوئے مقررین نے کہا کہ دہشت گردی کے ملزموں کا گرفتار نہ ہونا سوالیہ نشان ہے، رہنماؤں کوئٹہ خود کش حملے کی مذمت کرتے ہوئے مجرموں کی گرفتاری کا مطالبہ کیا۔

اسلام ٹائمز۔ تحفظ نامو س رسالت محاذ لاہور کے زیر اہتمام جی او آر میں وزیر اعلی ہاؤس 7 کلب روڈ کے سامنے احتجاجی دھرنا دیا گیا اور 3 سال بعد بھی سانحہ داتا دربار کے ملزموں کی عدم گرفتاری پر احتجاج کیا گیا۔ دھرنے کی شرکاء نعرے لگا رہے تھے’’ داتا تیرے جانثار بے شمار بے شمار، داتا ہم شرمندہ ہیں تیرے مجر م زندہ ہیں۔ اس موقع پر مظاہرین سے خطاب کرتے ہوئے مقررین کا کہنا تھا کہ سانحہ داتا دربار کو تین سال گزر جانے کے باوجود ملزمان کی عدم گرفتاری پنجاب حکومت کی نااہلی کا منہ بولتا ثبوت اور گڈگورنس کے منہ پر طمانچہ ہے اور دیگر مزارات اولیاء پر بھی خودکش حملوں میں کئی بے گناہ لوگوں کو شہید کیا گیا ہے لیکن آج تک کوئی بھی ملزم اور ماسٹر مائنڈ گرفتار نہ ہونا سیکیورٹی اداروں کی کارکردگی پر سوالیہ نشان ہے۔

رہنماؤں نے کہا کہ سانحہ نشتر پارک، سانحہ عبداللہ شاہ غازی، سانحہ بری امام، سانحہ پاکپتن، سانحہ دربار حیدر سائیں، ڈاکٹر سرفراز نعیمی، علامہ خرم رضا قادری اور دیگر علمائے اہلسنت کی شہادت و دیگر سانحات اس بات کا تقاضا کرتے ہیں کہ ملزموں کو جلد از جلد گرفتار کر کے دہشت گردی کے نیٹ ورک کو بے نقاب کیا جائے اور انہیں کڑی سے کڑی سزا دی جائے۔ انہوں نے کہا کہ لاہور میں میٹرو بس منصوبہ کی آڑ میں مزارات اولیاء کی مسماری اور ان بزرگوں کے نام کی مساجد کی تعمیر میں مجرمانہ تاخیر کے خلاف پنجاب حکومت کے اس اقدام کی مذمت کرتے ہیں اور مطالبہ کرتے ہیں کہ پنجاب حکومت اپنی ذمہ داری ادا کرتے ہوئے فوری طور پر مساجد کو تعمیر کروائے۔

انہوں نے مزید کہا کہ برما اور دیگر ممالک میں مسلمانوں کے بہیمانہ قتل عام پر حکمرانوں کی خامو شی قابل مذمت ہے۔ اس موقع پر مولانا محمد علی نقشبندی، مولانا مجاہد عبدالرسول خان، علامہ ذوالفقار ہاشمی، علامہ عطاء الرحمان، پیر بشیر یوسفی، پیر جنید نقشبندی، مفتی عمران حنفی، مفتی کریم خان، علامہ مرتضی علی ہاشمی، پیر شفیق کیلانی، مولانا اعجاز اشرفی، علماء کرام ودیگر کارکنان بھی شریک تھے۔ اس موقع پر قراردادیں بھی پیش کی گئیں جن میں مطالبہ کیا گیا کہ شرکاء نے داتا دربار دھماکے کے مجرموں کی گرفتاری، مزارات اولیاء اور علمائے اہلسنت کی فول پروف سیکیورٹی، ڈاکٹر سرفراز نعیمی شہید اور خرم رضا قادری شہید کے قاتلوں کی گرفتاری کا مطالبہ کیا گیا، عدلیہ ممتاز حسین قادری کے مقدمے کو فورا سنے اور تاخیری حربے ختم کیے جائیں، کوئٹہ میں ہونے والے خودکش دھماکے کی شدید مذمت کرتے ہوئے حکومت سے مطالبہ کیا کہ مجرموں کو گرفتار کیا جائے۔
[link]http://www.islamtimes.org/vdchw6niq23nqmd.4lt2.html[/link]

[عبدالرزاق ق]

سانحہ داتا دربار کے ملزموں کی عدم گرفتاری کیخلاف مظاہرے، وزیراعلیٰ ہاﺅس کے باہر دھرنا

02 جولائی 2013

0

Share



لاہور+ فیصل آباد (خصوصی نامہ نگار+ نمائندہ خصوصی) سنی اتحاد کونسل کے زیراہتمام سانحہ¿ داتا دربار کو تین سال مکمل ہونے پر ملک بھر میں ”یومِ شہدائے داتا دربار“ منایا گیا اور 7سال مکمل ہونے کے باوجود ملزمان کی عدم گرفتاری کیخلاف لاہور، فیصل آباد، گوجرانوالہ، کراچی، جھنگ اور حافظ آباد سمیت ملک بھر میں احتجاجی مظاہرے کئے گئے، احتجاجی جلوس کا انعقاد کیا گیا۔ اس موقع پر اجتماعات میں سانحہ¿ داتا دربار کو تین سال گزرنے کے باوجود ملزمان کی عدم گرفتاری پر حکومت پنجاب کے خلاف مذمتی قراردادیں منظور کی گئیں جبکہ تحفظ ناموس رسالت محاذ کے زیراہتمام وزیراعلیٰ ہاﺅس کے باہر کلب چوک میں احتجاجی دھرنا دیا گیا اور مساجد اور مزارات پر دہشت گردی کے واقعات میں ملوث مجرموں کی فوری گرفتاری اور انہیں قرار واقعی سزا دینے کا مطالبہ کیا گیا۔ یومِ شہدائے داتا دربار کے سلسلہ میں مرکزی احتجاجی جلسہ جامعہ رضویہ میں منعقد ہوا جس سے خطاب کرتے ہوئے سنی اتحاد کونسل کے چیئرمین صاحبزادہ حامد رضا نے کہا کہ سانحہ¿ داتادربار کے ملزمان کی گرفتاری پنجاب حکومت پر قرض اور فرض ہے۔ ملزمان کی عدم گرفتاری حکومت کی ناکامی ہے۔ صوفیاءکو ماننے والے سانحہ¿ داتا دربار کو بھول نہیں سکتے۔ حاجی حنیف طیب نے کراچی میں خطاب کرتے ہوئے کہا کہ حکومت سانحہ¿ داتادربار کے ملزمان کو فی الفور گرفتار کرے۔ مفتی محمد حسیب قادری نے المرکز الاسلامی شادباغ لاہور میں احتجاجی جلسہ سے خطاب کرتے ہوئے کہا کہ اولیائے کرام کے مزارات کو دہشت گردی کا نشانہ بنانے والوں کا اسلام اور مسلمانوں سے کوئی تعلق نہیں۔ یومِ شہدائے داتا دربار کے موقع پر شادباغ لاہور میں مفتی محمد حسیب قادری، اچھرہ میں مفتی محمد کریم خان، سمن آباد میں رانا حسیب احمد، ٹاﺅن شپ میں حاجی رانا شرافت علی قادری، مغل پورہ میں صاحبزادہ سیّد صابر گردیزی، گلبرگ میں قاری مختار احمد صدیقی کی قیادت میں احتجاجی مظاہرے کئے گئے۔ علاوہ ازیں تحفظ ناموس رسالت محاذ کے زیراہتمام وزیراعلیٰ ہاﺅس کے باہر احتجاجی دھرنے کے شرکاءنے داتا تیرے جانثار بے شمار بے شمار، داتا ہم شرمندہ ہیں تیرے مجر م ابھی زندہ کے نعرے لگائے جبکہ مختلف قراردادوں کے ذریعے شرکاءنے داتا دربار دھماکے کے مجرمو ں کی گرفتاری، مزارات اولیا ءاور علمائے اہلسنت کی فول پروف سکیو رٹی کرنے، ڈاکٹر سرفراز نعیمی شہید اور خرم رضا قادری شہید کے قاتلوں کی گرفتاری، غازی ممتاز حسین قادری کے خلاف درج مقدمات کے فوری خاتمے کے مطالبات کئے جبکہ ایک اور قرارداد میں کوئٹہ میں ہونے والے خودکش دھماکے کی شدید مذ مت کر تے ہوئے حکو مت سے مطالبہ کر تے ہیں کہ مجرمو ں کوگرفتار کیا جائے۔ اس موقع پر صاحبزادہ رضائے مصطفی نقشبندی نے کہا ہے کہ سانحہ داتا دربار کو تین سال گزر جانے کے باوجود ملزمان کی عدم گرفتاری پنجاب حکومت کی نااہلی کا منہ بولتا ثبوت ہے۔ فیصل آباد میں بھی سنی تحریک کے زیراہتمام احتجاجی مظاہرہ کیا گیا۔ گوجرانوالہ سے نمائندہ خصوصی کے مطابق تمام مساجد اہلسنت میں بعد ازنماز فجر ایصال ثواب کیلئے قرآن خوانی اور فاتحہ خوانی کا اہتمام کیا گیا۔ مختلف مقامات پر تقریبات منعقد ہوئیں۔ سانحہ داتادربار کے ملزمان کی عدم گرفتاری اور حکمرانوں کی مجرمانہ غفلت کے خلاف مرکزی جامع مسجد نور میں احتجاجی جلسہ منعقد ہوا۔ اسلام آباد میں سنی تحریک خواتین ونگ کے زیراہتمام پریس کلب کے سامنے احتجاجی مظاہرہ کیا گیا۔
[link]http://www.nawaiwaqt.com.pk/lahore/02-Jul-2013/218598[/link]

[عبدالرزاق ق]

[link]http://www.urduwire.com/news/newsdetail ... ?id=942276[/link]

[اضواء]

اللهم احفظ بلاد المسلمين ...

[چاند بابو]

محترم عبدالرزاق صاحب داتا دربار دھماکے کے بارے میں تازہ ترین اپڈیٹس شئیر کرنے کا بہت بہت شکریہ.