دوستو جیسا کہ آپ جانتے ہیں کہ اردونامہ کے صفحہ اول کے طور پر ایک ورڈپریس بلاگ کام کر رہا ہے جہاں اردونامہ سے منتخب تحریریں لگائی جاتی ہیں یوں اس بلاگ کا پلیٹ فارم بھی اردونامہ فورم کی ترقی کے لئے استعمال کیا جاتا ہے ۔
اس پر آج سے پہلے ایک اردوتھیم زیرِ استعمال تھی جو اپنے لحاظ سے کافی اچھی تھیم تھی لیکن اردونامہ فورم کے تھیم سے بے حد مختلف تھی۔ دوسرا وہی تھیم شازل بھیا کو بھی بہت پسند آئی اور انہوں نے اپنے بلاگ پر بھی یہی تھیم لگا لی جبکہ میں اردونامہ کے لئے کوئی ایسی تھیم چاہتا تھا جو اردونامہ کے علاوہ اور کہیں نا ہو تاکہ ہماری انفرادیت برقرار رہے ۔ پرانی تھیم کا منظر حسبِ ذیل ہے۔
[center]
[/center]کچھ دن پہلے اردونامہ کے ایک بے حد قابل رکن جناب عاطف بھیا نے مجھے ایک تھیم بھیجی جو ان کی بنائی ہوئی تھی گو کہ یہ تھیم ایک انگریزی بلاگ کی تھیم تھی لیکن اس تھیم کو اردونامہ فورم کے موجودہ تھیم Envision سے کافی مماثلت رکھتے ہوئے بنایا گیا تھا اور یہ انہوں نے کمال محبت سے اردونامہ کو بمعہ تمام کاپی رائیٹ مہیا کی تھی۔ان کی فراہم کردہ تھیم کا منظر نیچے موجود ہے۔
[center]
[/center]اس تھیم پر پچھلے تین دنوں سے میں کام کر رہا تھا اسے اردو تھیم بنانا اس میں اپنی پسند اور اردونامہ کے موجودہ تھیم کی مناسبت سے تبدیلیاں کرنا وغیرہ جیسے تمام کام مجھے کرنا پڑے اور چونکہ میں اس فیلڈ میں نکما ترین ہوں اس لئے ایک ایک چیز کی تبدیلی کے لئے مجھے گھنٹوں مغز ماری کرنا پڑی لیکن آخرکار میں یہ کام کرنے میں کامیاب ہو گیا اور جب میں نے یہ تھیم عاطف بھیا کو دوبارہ دکھایا تو ان سے ڈھیروں دعائیں اور شاباش بھی حاصل کی۔ میری ترمیم شدہ تھیم کا منظر حسبِ ذیل ہے۔
[center]
[/center]اسی شاباش اور دعاؤں کا نتیجہ ہے کہ اسوقت میں آپ کے سامنے سینہ چوڑا کرتے ہوئے آپ کو اس نئے تھیم کے بارےمیں بتا رہا ہوں۔
لیجئے آپ بھی اردونامہ کا مرکزی صفحہ کھولئے اور مجھے داد دیجئے۔
اور ہاں شازل بھیا اب تو آپ بھول ہی جائیں کہ اردونامہ سے Envision تھیم کہیں آگے پیچھے جائے گا۔
