چل کے جاتے کہاں

[انور جمال انور]

اپنی قسمت بدل کے جاتے کہاں

اس گلی سے نکل کے جاتے کہاں

آخرش موت تک پہنچنا تھا

ہم جو چلتے تو چل کے جاتے کہاں

بات یہ ہے کہ ہم گرے ہی نہ تھے

گر کے اٹھتے ، سنبھل کے جاتے کہاں

شکر ہے رب کو ہم نے دیکھا نہیں

دیکھتے تو مچل کے جاتے کہاں

کون اپناتا ، پیار کرتا ہمیں

ہم محبت میں ڈھل کے جاتے کہاں

صبح بیدار ہم بھی ہو جاتے

ہاں مگر آنکھ مل کے جاتے کہاں

انور جمال انور

[بلال احمد]

بہت عمدہ انور صاحب

[انور جمال انور]

پسند کرنے کا شکریہ ،،

[اضواء]

شیئرنگ کے لیے شکریہ