سب لوگ نہیں کرتے ہیں پیار مرے بچے

[انور جمال انور]

مت اپنوں کو اس طرح للکار مرے بچے

اس گھر میں نہ اٹھ جائے دیوار مرے بچے

مانا کہ تجھے لگتی ہے اپنی طرح دنیا

ہر شخص نہیں سادہ ، ہشیار مرے بچے

مرنے کے لیے جینا اتنا ہی ضروری ہے

جینے کے لیے خود کو مت مار مرے بچے

کچھ لوگ حقارت سے بھی تجھ کو بلائیں گے

سب لوگ نہیں کرتے ہیں پیار مرے بچے

اس وقت کوئی شئے بھی معیار نہیں رکھتی

جب وقت بدلتا ہے معیار مرے بچے

کیا چیز نہیں ملتی ، محنت سے مشقت سے

یہ زندگی جوئے میں مت ہار مرے بچے

انور جمال انور

[میاں محمد اشفاق]

بہت خوب انور بھائی

[اضواء]

بہت ہی خوب شئیرنگ پر آپ کا شکریہ

[بلال احمد]

شیئرنگ کے لیے شکریہ