لاہور(مانیٹرنگ ڈیسک) قومی کرکٹ ٹیم دورہ جنوبی افریقہ کے لیے روانہ ہوگئے ہیں جبکہ کپتان مصباح الحق کاکہناتھاکہ نمبرو ن ٹیم کے ساتھ کھیل امتحان ہوگالیکن دو تین سالوں سے مسلسل حاصل ہونیوالی فتوحات کی وجہ سے ٹیم کا مورال بلند ہے ۔ دورہ جنوبی افریقہ کے لیے روانگی کے وقت میڈیا سے گفتگو کرتے ہوئے مصباح الحق کاکہناتھاکہ جنوبی افریقہ کی ٹیم نمبر ون ہے اور اُس کیخلاف ہر شعبے میں ذمہ داری کی ضرورت ہے اور خصوصاً بیٹنگ پر توجہ دینی ہوگی ،اچھاسکو ر ہوگاتو اچھامقابلہ ہوگا، جس طرح ماضی میں ٹیم پرفارم کرتی آئی ہے لیکن اب ٹیم کا اصل امتحان ہوگا۔اُن کاکہناتھاکہ مخالف ٹیم بہت اچھی ہے ، ہوم گراﺅنڈ پر کھیل سے پہلے ہر ٹیم کو فوقیت حاصل ہوتی ہے لیکن مخالف ٹیم پر دباﺅ بھی کم ہوتاہے اور پاکستانی ٹیم کی بھارت کیخلاف سیریز میں فتح کے بعد مورال ہائی ہے ، اُنہوں نے کہاکہ پاکستان کو ایک عرصے بعد اچھا ٹور ملاہے ، باﺅلر میں سعید اجمل کا اہم رول ہے ۔کرکٹ ٹیم کے منیجر ندیم اکرم چیمہ نے کہاکہ دورہ جنوبی افریقہ مشکل ہے لیکن شکست دینے کی کوشش کریں گے اور امید ہے ٹیم قوم کو خوشخبری سنائے گی
