"کارونا" وائرس پھیلنے کا کوئی خدشہ نہیں : مصری وزارت صحت

[عبیداللہ عبید]

ترجمہ او رترتیب و تہذیب: عبیداللہ عبید

مصری وزارت صحت کے حفظ ماتقدم کے شعبے کے انڈر سیکرٹری ڈاکٹر عمرو قندیل نے کہا کہ کارونا اور سارس وائرسوں کی جنیاتی کوڈوں کے درمیان یکسانیت سائنسی طور پر آج تک ثابت نہیں ہوئی ۔اسی طرح کارونا وائرس ایک شخص سے دوسرے شخص کو منتقل ہونے کا سائنسی ثبوت بھی نہیں ہے ۔

انہوں نے کہا کہ کارونا وائرس کے پھیلنے کا کوئی خدشہ نہیں ہے ۔اور صرف دوکیس سامنے آئے ہیں جن میں ایک سعودی اوردوسرا قطری شخص اس وائرس کا شکار ہوگئے ہیں ۔

ڈاکٹر قندیل نے کہا کہ کارونا ان وائرسوں میں سے ہے جس کی وجہ سے جن کی وجہ سے سردی کے زکام لاحق ہوتے ہیں اور نظام تنفس کو متاثر کرتے ہیں کبھی کبھار نظام انہضام پر بھی اثر ڈالتے ہیں ۔اس کی علامات انفلوئنزا سے مشابہ ہیں ۔ اور اکثر حالات میں اس کی علامتیں واضح ہوتی ہیں ۔اور شاذو نادر پیچیدگیوں کا سبب بن جاتا ہے بالخصوص بڑی (پینسٹھ سال سے زائد) عمر کے افراد میں ، جبکہ وہ پھیپھڑوں کی سوزش ، دل کے امراض ، کم قوتِ مدافعت کے حامل اور پرانے امراض میں مبتلا ہوں۔

ملک بھرمیں وبائی انفلوئنزا پر نظر رکھنے کے لیے ایسا سسٹم قائم کیا گیا ہے جس میں چارسو پچاس سے زائد اسپتال ہفتہ وار رپورٹ وزارت صحت و آبادی کو ارسال کرتے ہیں ۔ وزارت صحت و آبادی کی مرکزی تجربہ گاہوں میں انفلوئنزا وائرس کی جانچ کے لیے مزید ضروری آلات بھی فراہم کیے جارہے ہیں ۔ اسی طرح پانچ صوبائی تجربہ گاہوں کو بھی اس نظام کا حصہ بنایا گیا ہے ۔

[بلال احمد]

خبر کے اشتراک کے لیے شکریہ

[عبیداللہ عبید]

پذیرائی کے لیے شکریہ بلال بھائی

[اضواء]

خبر کی شئیرنگ پر آپ کا بہت بہت شکریہ ...

[عبیداللہ عبید]

شکریہ بہن !