سُن تو سہی جہاں میں ہے تیرا فسانہ کیا - آتش

[سخنور]

سُن تو سہی جہاں میں ہے تیرا فسانہ کیا
کہتی ہے تجھ کو خلقِ خدا غائبانہ کیا

کیا کیا اُلجھتا ہے تری زلفوں کے تار سے
بخیہ طلب ہے سینہء صد چاک شانہ کیا؟

زیرِ زمین سے آتا ہے جو گل سو زر بکف
قاروں نے راستے میں خزانہ لٹایا کیا؟

چاروں طرف سے صورتِ جاناں ہو جلوہ گر
دل صاف ہو ترا تو ہے آئینہ خانہ کیا

طبل و عَلم ہے پاس نہ اپنے ہے ملک و مال
ہم سے خلاف ہو کے کرے گا زمانہ کیا

صّیاد گُل عذار دکھاتا ہے سیرِ باغ
بلبل قفس میں یاد کرے آشیانہ کیا

یوں مدّعی حسد سے نہ دے داد تو نہ دے
آتِش غزل یہ تو نے کہی عاشقانہ کیا

(خواجہ حیدر علی آتش)

[چاند بابو]

یوں مدّعی حسد سے نہ دے داد تو نہ دے
آتِش غزل یہ تو نے کہی عاشقانہ کیا

بہت شکریہ سخنور بھیا خواجہ حیدر علی آتش کا بہترین کلام اردونامہ پر پیش کرنے کا بہت بہت شکریہ۔

[سخنور]

یوں مدّعی حسد سے نہ دے داد تو نہ دے
آتِش غزل یہ تو نے کہی عاشقانہ کیا

بہت شکریہ سخنور بھیا خواجہ حیدر علی آتش کا بہترین کلام اردونامہ پر پیش کرنے کا بہت بہت شکریہ۔

پسند کرنے کے لئے بہت شکریہ چاند بابو!

[شازل]

چاند بابو آپ کے پیش کردہ کلام اور شاعری کو شن کر خود ہی سخنور نہ ہو جائیں

[سخنور]

چاند بابو آپ کے پیش کردہ کلام اور شاعری کو شن کر خود ہی سخنور نہ ہو جائیں

شازل صاحب میں تو چاہتا ہوں کہ سبھی کو شاعری کا اچھا ذوق مرحمت ہو جائے. اور یوں رانجھا رانجھا کردی نی میں آپے رانجھا ہوئی.