اردونامہ فورم

دھرتی نوں اسمان بناوے عشق دی ایہہ تاثیر
عاشق کہن امام رانجھے نوں ، ہیر اے معشوقاں دی پیر

ایہہ جیون اک سُندر سُفنہ ، ادھے راہ چ مُک جاندا اے
عمر بچاری رو رو لبھدی خواباں دی تعبیر

میں ہساں تے دھرتی ہسے ، روواں تے رووے اسمان
میں ہاں قادر ، قدرت میری ، میں اپنی تقدیر

عشق ہے اپنا آپے کعبہ ، عشق قرآن حدیث
عشق "انا اللہ" ، اللہ اللہ ! کون عشق دا پیر

عشق فرید تھلاں دا راہی رو رو عمر گزراے
عشق ہری اے ہرہر اندر ، عشق اے بھگت کبیر

تیرے میرے رشتے کُوڑے ، کُوڑا سب پسار
"ماپے" ، "چاچے" ، "مامے" ، کاہدے ، عشق دے کیہڑے ویر

عشق "الست" ، "بلٰی" دا قصہ ، عشق نفی اثبات
کثرت دی وچ عشق دی وحدت ، وحدت وچ تکثیر

عشق مزمل ، عشق مدثر ، طہٰ تے یسین
ظاہر باطن ذات عشق دی ایہو مُڈھ اخیر

عشق شہید شہادت حق دی ۔ عشق رضا دا بندہ
عشق اویس ، ابوذر جامی ، عشق علی شبیر

عشق دا ڈیرہ سولی اُپر ، عشق تے موت حرام
وصل فراق تُوں عشق اگیرے ، عشق سمیع بصیر

مر کے جیندا ، جی کے مَردا ، عشق بڑا کجھ کردا
"موتو قبل" ، "بل احیاھم" عشق دی ذات قدیر

عقلاں نال عشق نہ ہُندا ، عشق دی اُلٹی چال
عشق ہووے تے وگدے واصف اکھاں دے وچ نیر

ارے بہت خوب بوبی بھی یہ تو آپ نے بہت ہی اچھا کام کیا ہے واصف علی واصف کا کلام یہاں شئیر کیا ہے۔ میں نے اس سے پہلے واصف علی واصف کا نثریہ کلام تو کافی پڑھا ہے لیکن ان کا شاعرانہ کلام پہلی بار دیکھا ہے۔ واقعی یہ ہستی دورِ حاضر کی ولی تھی۔ اللہ تعالٰی انہیں جوارِ رحمت میں جگہ دے۔