میرے یار کی شادی ہے. (شازل بلاگ سے )

[علی خان]

سلام دوستوں. آج میں نے شازل بھائی کے بلاگ میں کچھ انوکھا دیکھا، تو سوچا کیوں نہ اسکو اردونامہ پر دوستوں کے ساتھ شئیر کروں.
تو لیجئے شازل بھائی کی کہانی انہی کی زبانی.

-----------
اردونامہ فورم کے روح رواں اور میرے بہت ہی پیارے دوست ماجد چوہدری المروف چاند بابو اب اپنے نہیں رہے وہ کسی اور کے ہوگئے ہیں۔ یعنی ان کی شادی ہوگئی ہے۔ ہم میں سے کسی کو ان سے یہ امید نہیں‌تھی لیکن خیر زہر کا یہ گھونٹ ہر کسی نے پینا ہی ہے ہم کسی نہ کسی بہانے ان کوچھڑتے رہتے تھے اور وہ بھی اس چھیڑ میں‌ہمیں لاجواب کردیا کرتے تھے۔
ان کی ڈانٹ ڈپٹ سے مجھے اور کئی متاثرین اردو نامہ کو ان سے گلہ رہتا تھاکہ وہ کیسے کسی کو خوش رکھ سکیں گے، لیکن تھپڑ مار کر سوری بولنا بھی تو ان کی خوبی ہی شمار ہوتی تھی۔
ایک دن انہوں نے مجھے میسج کیا کہ پچیس مارچ کو میری شادی اور چھبیس کو ولیمہ کی تقریب ہے جس میں‌ہماری شرکت لازمی ہے۔ میں نے پہلے دن ہی سے ٹال مٹول سے کام لیا اور اللہ کا کرنا یہ ہوا کہ عین وقت پر میری خالہ اور ساس فوت ہوگئی۔اور میں ولیمہ کی سعادت سے نہیں بلکہ ان کی شادی میں شرکت سے محروم رہ گیا۔ یاری اسے تو نہیں کہتے لیکن کیا کریں لڑکیوں کی طرح کبھی مرد بھی مجبورہوجاتے ہیں۔
اس سے پہلے ہمارے ایک اور پیارے دوست اور بھائی اشفاق نے مجھے فون کیا اور پروگرام کا پوچھا اور بتایا تھا کہ بلال بھائی بھی پہنچ رہے ہیں، آپ کا کیا پروگرام ہے؟ ان دنوں میری خالہ جو کہ ساس بھی ہوتی تھیں کومہ کی حالت میں تھیں اور میرا تمام وقت اسپتال اور گھر کے دورمیان بھاگتے دوڑتے صرف ہوتا تھا۔ میں نے اشفاق بھائی کو اپنی مجبوری بتائی لیکن وعدہ بھی کیا کہ میں پہنچوں گا۔
خیرچاند بابو تو اب ماہ دوماہ کے بعد طلوع ہونگے ان کی طویل چھٹی منظور کی جاتی ہے لیکن اشفاق بھائی، بلال بھائی اور اعجاز الحسینی بھائی سے گزارش ہے کہ وہ لمحہ بہ لمحہ شادی کی تفصیلات کو اردونامہ پر شیئر کریں تاکہ ہم سب بھی آن لائن ان کی شادی اور ولیمہ کو انجوائے کرسکیں۔ سیدھی اور سچی بات ہے کہ ان کا ولیمہ مس کرنے کا ہمیں بہت قلق ہے۔
امید ہے کہ آپ جلد ہی ان کی شادی کی کوریج کو میرے بلاگ پر ملاحظہ کرسکیں گے۔

[افتخار]

بھیا جی یہ خبر تو بہت پرانی ھے

[اضواء]

بہت ہی دلچسپ ہے

شئیرنگ پر آپ کا شکریہ

[چاند بابو]

ارے یار اشفاق بھیا کیا بات ہے.
کیا دن یاد دلا دیئے.

شادی کی خوشی تو ایک طرف یقین کیجئے میں آج بھی اپنے اردونامہ کے دوستوں کی محبتوں کو دیکھتا ہوں تو اپنے آپ کو بے حد خوش قسمت پاتا ہوں کہ مجھے اپنے دوستوں سے اسقدر پیار ملا.

بات تو پرانی ہوگئی مگر یادیں ابھی بھی تازہ ہیں.
وہ سب جو اس دن یہاں موجود تھے،
وہ سب جو پہنچ نہیں پائے مگر فون پر مبارکباد دی.
وہ سب جو نا پہنچ سکے نا مبارکباد دے سکے مگر اردونامہ پر اپنی موجودگی کا احساس دلاتے رہے.
ان سب کی لازوال محبتوں کا میں مقروض بھی ہوں اور مشکور بھی.

[علی خان]

بھیا جی یہ خبر تو بہت پرانی ھے

افتحار بھائی، خبر تو پرانی ہے لیکن مغذرت کے ساتھ ابھی تک نامکمل ہے، مطلب وہ چائے...
آپ کو تو خیر یاد بھی نہیں ہوگا، مگر کچھ دوست سمجھ گئے ہونگے.

[چاند بابو]

[علی خان]

ماجد بھائی، میرے خیال سے میری بات 100 آنے سچ ہے، اس لئے آپ اتنا زیادہ ہنس پڑھے ہیں.

[چاند بابو]

جی جی بالکل میں سمجھ بھی گیا ہوں اور جسے آپ سمجھانا چاہتے ہیں حاضری رجسٹر کی طرف دیکھیں وہ بھی سمجھ چکے ہیں.

[زین]

شادی مبارک ہو بھیا

[چاند بابو]

بڑی دیر کی مہرباں آتے آتے.
خیر ایک سال بعد ہی سہی خیر مبارک بھیا.

[بلال احمد]

شادی مبارک ہو بھیا

زین بھائی شادی مبارک ہو یا شادی کی سالگرہ مبارک ہو