السلام و علیکم دوستو۔
اگر مجھ سے پہلے یہ اہم اعلان کسی اور نے نہیںکیا، تو میںسمجھتا ہوں یہ میرے لیئے ایک اعزاز کی بات ہے
اردو زبان کے لکھنے میں خط نستعلیق کو شائید سب سے زیادہ اہمیت حاصل ہے۔ یہ وہ رسم الخط ہے جس میں ہماری اردو، معاشرتی علوم، اسلامیات کی ٹیکسٹ کی کتابیں ہوا کرتی ہیں۔
آپ نے مشہور اردو پروگرام "ان پیج" تو استعمال کیا ہوگا۔ اس میں استعمال ہونے والا رسم الخط نوری نستعلیق ہے جو واقعی اپنی مثال آپ ہے۔ مگر ان پیج کا فونٹ ہم سوائے ان پیج کے کہیں اور استعمال نہیں کر سکتے اور اس معاملے میں ان پیج کے ہی پابند ہیں۔ اور دوسری بات یہ کہ ان پیج کافی مہنگا بھی ہے۔
تو ایک بہت اچھی خبر یہ ہے کہ انٹرنیٹ پر آج ہی کے دن یعنی 2 نومبر 2008 کو اب سے چند گھنٹے پہلے ایک نیا نستعلیق فونٹ ریلیز کیا گیا ہے۔ جو کوالٹی میں اپنی مثال آپ ہے۔اور سب سے بڑی بات یہ کہ اسے انسٹال کر لینے کے بعد اسے آپ اپنی ونڈوز میں تقریباً ہر اس پروگرام میں استعمال کر سکتے ہیں جس میں فونٹ استعمال ہونے ہیں، جیسے مائیکروسافٹ ورڈ، ایکسل، اوپن آفس وغیر ۔
یہ اہم اور خوبصورت فونٹ آپ یہاں سے ڈاؤن لوڈ کر سکتے ہیں:
http://www.urdushare.net/alvi/Alvi_Nastaleeq_1_0_0.zip
اور اسے انسٹال کرنا بھی بہت آسان ہے۔
ڈاؤن لوڈ ہونے کے بعد، زپ فائل سے یہ فائل باہر نکالیں:
Alvi Nastaleeq_1_0_0_shipped.ttf
اور پھر اسے اس فولڈر میں کاپی کر دیں:
C:\WINDOWS\Fonts
اب اگر آپکی ونڈوز میں اردو زبان اور اسکا کی بورڈ انسٹال ہے، تو پھر آپ اس فونٹ کو جہاں چاہے استعمال کر سکتے ہیں۔
آپ اس موضوع پر تفصیلاً معلوماتان روابط سے حاصل کر سکتے ہیں۔:
http://www.alqlm.org/forum/viewtopic.php?p=16502#p16502
اور ویسے میری یہ تحریر بھی اسی فونٹ میں لکھی گئی ہے۔ جب آپ فونٹ ڈاؤن لوڈ کر لیں تو پھر دوبارہ میری اس تحریر کو دیکھئے گا۔ یا اوپر دیئے گئے روابط پر جائیے گا تو آپ کو اس فونٹ کی انٹرنیٹ پر استعمال کی اہمیت بھی سمجھ آجائے گی۔
اُمید ہے،آپ اس فونٹ کو استعمال کریں گے اور اردو کو ایک بہتر خط نستعلیق کی صورت میں دیکھیں گے۔
نوٹ: یہ فونٹ ویسے توسب جگہوں پر کافی اچھا چلتا ہے، مگر انٹرنیٹ ایکسپلوریر میں بہترین کارکردگی دکھاتاہے۔
والسلام
فرخ
