ڈیرن سیمی پھٹ پڑے
-
- منتظم اعلٰی
- Posts: 6565
- Joined: Thu Jul 15, 2010 7:11 pm
- جنس:: مرد
- Location: پاکستان
- Contact:
ڈیرن سیمی پھٹ پڑے
ورلڈ ٹی20 کا فائنل جیتنے کے بعد ویسٹ انڈیز کے فاتح کپتان ڈیرن سیمی نے کہا کہ ویسٹ انڈیز کرکٹ بورڈ کا رویہ توہین آمیز رہا ہے اور میچ سے پہلے وزیرِ اعظم نے ہماری ہمت بندھائی لیکن بورڈ نے کسی قسم کا رابطہ کرنے کی زحمت تک گوارا نہیں کی۔
میچ کے بعد ہر طرح کے حالات میں پرسکون رہنے والے اور گاہے بگاہے سو واٹ کی مسکراہٹیں بکھیرنے والے ڈیرن سیمی انگلینڈ کو ڈرامائی شکست دینے کے بعد سیمی کی جذباتی تقریر سب کو متاثر کر گئی جس میں انھوں نے کسی قسم کی لگی لپٹی رکھے بغیر اپنا دل کھول کر رکھ دیا۔
سیمی نے کہا کہ ہمیں کوئی خاطر میں نہیں لا رہا تھا، لیکن ہر میچ میں ہمارے کسی نہ کسی کھلاڑی نے آگے بڑھ کر کارکردگی پیش کی۔‘
ڈیرن سیمی پاکستان سپر لیگ کی ٹیم پشاور زلمی کی طرف سے بھی کھیلتے ہیں اس لیے وہ پاکستان میں بھی خاصے مقبول ہیں۔ ٹوئٹر پر بعض لوگوں نے انھیں ’سیمی خان‘ کہہ کر مخاطب کیا۔
فائنل کے آخری اوور میں بریتھویٹ کے چار لگاتار چھکوں کی مدد سے انگلینڈ کو ہرانے کے بعد کپتان ڈیرن سیمی نے کہا کہ ’جب ہم نے اس سفر کا آغاز کیا تو لوگوں کو یہ تک یقین نہیں تھا کہ ہم یہ ٹورنامنٹ کھیل پائیں گے۔ ہم بہت سے مسائل کا شکار تھے، ہمیں محسوس ہو رہا تھا کہ خود ہمارا اپنا بورڈ ہماری توہین کر رہا ہے۔ مارک نکولس (کمنٹیٹر) نے کہا کہ ہماری ٹیم کا دماغ ہی نہیں ہے۔ ٹورنامنٹ سے پہلے ان سب باتوں نے ہمیں اور متحد کر دیا۔‘
سیمی نے کہا کہ ٹورنامنٹ سے پہلے ’جب ہم دبئی پہنچے تو ہمارے پاس وردیاں تک نہیں تھیں۔ ہمارے مینیجر رال لیوس کو کریڈٹ جاتا ہے کہ انھوں نے بڑی مشکل سے ہمارے لیے وردیاں تیار کروائیں۔ ‘
سیمی نے خاص طور پر ویسٹ انڈیز کرکٹ بورڈ کو تنقید کا نشانہ بناتے ہوئے کہا کہ ’ہمارے وزیرِ اعظم کیتھ مچل نے آج صبح ای میل کے ذریعے ہماری ہمت بندھائی لیکن بورڈ نے ابھی تک کسی قسم کا رابطہ نہیں کیا۔ یہ بہت مایوس کن بات ہے۔‘
[link]http://www.bbc.com/urdu/sport/2016/04/1 ... w_facebook[/link]
- چاند بابو
- منتظم اعلٰی
- Posts: 22224
- Joined: Mon Feb 25, 2008 3:46 pm
- جنس:: مرد
- Location: بوریوالا
- Contact:
Re: ڈیرن سیمی پھٹ پڑے
جو بھی تھا وہ بے انتہا اعتماد سے کھیلے اور کامیابی ان کا مقدر بنی.
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
Re: ڈیرن سیمی پھٹ پڑے
خوش قسمتی نے بھی ان کا بہت ساتھ دیا