اردونامہ فورم

اردو کے فروغ کیلئے پہلی بین الاقوامی سوشل میڈیا سمٹ کا اعلان

کراچی: اردو سورس اور جامعہ کراچی نے پہلی بین الاقوامی اردو سوشل میڈیا سمٹ کا باضابطہ اعلان کردیا ہے۔
پیر کے روز پریس کانفرنس سے کرتے ہوئے اردو سورس کے بانی عامر ملک نے کہا کہ سمٹ 8 مئی کو جامعہ کراچی کے ایچ ای جے آڈیٹوریم میں منعقد ہوگی جس کا مقصد انٹرنیٹ پر اردو کے فروغ کے لیے جدوجہد کرنے والے تکنیکی اور غیرتکنیکی ماہرین کو ایک چھت کےنیچے جمع کرنا ، ایک دوسرے کے تجربے سے سیکھنا ، نئی راہیں تلاش کرنا اور مل جل کر آگے بڑھنا ہے۔ انہوں نے کہا کہ اس پروگرام کی خاص بات بلاگرز اور سوشل میڈیا ایوارڈز ہیں جو بلاگنگ اور سوشل میڈیا کے میدان میں مثبت تبدیلی کے لیے سرگرم افراد اور اداروں کو دیئے جائیں گے جن کا مقصد ان کی محنت کو سراہنا اور حوصلہ افزائی کرنا ہے۔
اس موقع پر جامعہ کراچی یونیورسٹی جرنلسٹ ایسوسی ایشن (کوجا) کے سربراہ عمیر انصاری کا کہنا تھا کہ قومی زبان کے فروغ کے لیے ہونے والی تدریسی و غیر تدریسی سرگرمیوں کی حوصلہ افزائی اور سرپرستی جامعہ کراچی کی ایک احسن روایت رہی ہے اور ہم نے اسی روایت کو برقرار رکھتے ہوئے اردو سوشل میڈیا سمٹ کے شاندار منصوبے کو اردو سورس کے ساتھ مشترکہ طور پر منعقد کرنے کا فیصلہ کیا ہے۔ انہوں نے کہا کہ اس سمٹ میں ذہین نوجوانوں کے منفرد اور اچھوتے خیالات سامنے لائیں گے جب کہ اس سمٹ میں ای کامرس،آن لائن مارکیٹنگ ، روایتی میڈیا و نیو میڈیا کی جنگ اورسیاسی و سماجی اصلاحات پر دلچسپ مکالمے بھی ہوں گے۔
[link]http://www.express.pk/story/347284/[/link]

قومی زبان کے فروغ کے لیے ہونے والی تدریسی و غیر تدریسی سرگرمیوں کی حوصلہ افزائی اور سرپرستی ضرور کرنی چاہئے۔۔۔۔ اچھی کاوش ہے جناب

بہت خوب.
یہ ایک بہت اچھی کاوش ہے اور بالکل اس کا مقصد وہی ہے جو اردونامہ کا پہلے دن سے سلوگن رہا ہے یعنی انٹرنیٹ پر اردو زبان و ادب کے فروغ کے لیے کوشاں.

اگر کوئی صاحب کراچی سے تعلق رکھتے ہیں یا کراچی جا کر اس سمٹ میں شرکت کے خواہاں ہیں تو وہ اردونامہ پلیٹ فارم کی طرف سے جا سکتے ہیں.
اگر کوئی صاحب جانا چاہیں تو مجھے بتایئے میں اردونامہ کی طرف سے اسے سفیر مقرر کر سکتا ہوں.

ماشااللہ یہ ایک بہت ہی اچھا اقدام ہے اور جان کر خوشی ہوئی بس اب اسکو مثبت انداز میں چلایا جائے تو کچھ بات بنے گی ورنہ اس کا بھی اللہ ہی حافظ ہو گا

کراچی میں مدرس بھیا موجود ہیں. ان کی ذمہ داری لگانی چاہئیے

جی اگر وہ تیار ہیں تو اردونامہ کی طرف سے شمولیت کر سکتے ہیں.