اردونامہ فورم

السلام علیکم

پچھلے چند دن تھوڑا وقت نکل آتا تھا مصروفیات میں سے تو سوچا اردونامہ کی بہتری کے لئے کچھ اقدامات کئے جائیں.
تو جناب پچھلے چند دن میں اردونامہ میں کچھ تبدیلیاں کی تھیں سوچا آپ کو بھی بتا دوں کہ کیا کچھ نیا ہوا ہے.
تو جناب تبدیلیاں حسبِ ذیل ہیں. امید ہے کہ آپ احباب انہیں پسند بھی فرمائیں گے اور اگر ان تبدیلیوں کا کوئی فرق نظر آ رہا ہے تو وہ بھی بتائیں گے.

یوزر نوٹس ای میلز کا خود کار سسٹم

ایسے یوزرز جو اردونامہ سے کسی وجہ سے دور ہو جاتے ہیں ان تک رسائی خاصہ دشوار کام تھا جو مجھ سمیت کوئی بھی ایڈمن کرنے کے لئے تیار نہیں تھا. جس کی وجہ سے جو یوزر ایک بار اردونامہ سے چلا جاتا تھا وہ دوبارہ مشکل سے ہی واپس آتا تھا.
اب اردونامہ پر ایسے تمام یوزرز جن کا اردونامہ سے رابطہ کٹ چکا ہے انہیں خودکار نظام کے تحت اردونامہ پر واپس بلانے کےلئے درخواست کی جائے گی. یہ اطلاع نیچے دیئے گئے یوزر کو بتائے گئے اوقات میں دی جائے گی.

1. نئے یوزرز جو ابھی تک لاگ ان نہیں ہوئے.
ایسے دوست جنہوں نے اردونامہ پر اپنا اکاؤنٹ تو بنایا ہے مگر دس دن گزرنے کے باوجود اردونامہ پر لاگ ان نہیں ہوئے ہیں انہیں یاد دہانی کی ای میل خودکار سسٹم کر دے گا.

2. ایسے یوزرز جو اردونامہ پر لاگ ان تو ہوئے مگر کوئی ایک پوسٹ بھی نہیں لکھی
ایسے تمام دوستوں کو بھی خودکار سسٹم ہر 30 دن بعد خودکار سسٹم یاد دہانی کی ای میل کر دے گا.

3. ایسے یوزرز جو اردونامہ پر کم ازکم ایک پوسٹ لگا کر غائب ہیں.
ایسے تمام یوزرز جنہوں نے اردونامہ پر کم ازکم ایک پوسٹ کی مگر اس کے بعد غائب ہو گئے اور مسلسل ایک ماہ تک دوبارہ ادھر کا رخ نہیں کیا انہیں بھی یاد دہانی کی ای میل خودکار طریقہ سے کر دی جائے گی.


یہ تو تھا خودکار سسٹم ای میلز کے لئے اب آتے ہیں دوسری تبدیلی کی طرف:

تو جناب اردونامہ کو Cloudflare پر رجسٹر کر لیا گیا ہے جس کے بعد اردونامہ کا تمام ڈیٹا کلاؤڈڈ سرور سے ہو کر گزرے گا، جس کا فائدہ اردونامہ کو یہ ہو رہا ہے کہ ایک تو اردونامہ کی بینڈ وڈتھ کی بہت بچت ہو رہی ہے اس کے علاوہ چونکہ تمام کیشے فائلز ایک سرور پر ہی بن رہی ہیں اس لئے اردونامہ لوڈ ہونے کی سپیڈ میں کم ازکم پچاس فیصد اضافہ ہو گیا ہے.

تو جناب یہ تھیں دو بڑی تبدیلیاں جو حالیہ دنوں میں کی گئیں.

اب آپ لوگ بتایئے کیسی ہیں؟

خاص طور پر اردونامہ کی سپیڈ میں کوئی بہتری آپ لوگوں نے نوٹ کی یا نہیں.
بہرحال میں نے یہ تبدیلی ضرور نوٹ کی ہے.

چاند بھیا آپ نےاسقدر محنت اور لگن سے کام کئے ہے اس پر آپ مبارکبادی کے مستحق ہے

اُردونامہ کو آپ نے اور بھی ممتاز بناڈالا بہت بہت شکریہ

واہ ماشااللہ کیا ہی بات ہے کلاوڈ‌سسٹم والا کام بہت ہی خوب ہوا !

بہت خوب
دونوں کمال کے کام ہیں. کیا آپ ان کے ٹوٹیورلز اردونامہ پر شئر کرسکتے ہیں ؟
یا کم از کم خود کار ای میل والے پلگ ان کا نام اور لنک شئر کر دیں. میں اس کا تعارف اردونامہ پر شئر کردیتا ہوں. اور اگر ممکن ہو تو اس پلگ ان کو کسی فری ڈیٹا شئرنگ سائٹ پر اپلوڈ کر کے اردونامہ سے ڈائیریکٹ ڈاؤن لوڈ کا آپشن بھی دے دیا جائے.
اور کلاؤڈ فلئر کی تفصیلات ضرور شئر کریں. اور اس کے فوائد پر مزید روشنی ڈالیں. لیکن یہ میٹنگ روم میں نہیں بلکہ ٹیوٹورل سیکشن میں.

دوستوں کا بہت بہت شکریہ کہ انہیں میری کاوش پسند آئی اور انہوں نے میری حوصلہ افزائی کی.

جہاں تک شعیب بھیا کی بات کا تعلق ہے تو شعیب بھیا یہ پلگ ان پی ایچ پی بی بی کی سائیٹ پر ہرخاص و عام کے لئے دستیاب ہے.
اس لئے اسے کہیں اور شئیر کرنے کی ضرورت نہیں ہے براہ راست وہاں سے ڈاونلوڈ ہو سکتا ہے.
مگر اگر آپ نے جملہ اور ورڈپریس استعمال کی ہے تو وہاں کوئی بھی پلگ ان انسٹال کرنے کے لئے کچھ خاص نہیں کرنا پڑتا.
صرف پلگ ان ڈاونلوڈ کرو اپنی سائیٹ پر اپلوڈ کرو اور ایکٹویٹ کا بٹن دبا دو بس ہو گیا کام.
مگر پی ایچ پی بی بی میں یہ کام خودکار طریقہ سے نہیں ہوتا ہے بلکہ بیسیوں فائلز میں جا کر ان کے کوڈ میں تبدیلیاں کرنا ہوتی ہیں.
اور اکثر اوقات ایک چھوٹی سی غلطی سے پورے کا پورا فورم دھڑم ہو جاتا ہے.
اس لئے یہ صرف وہی کرے جسے اس بات کی سمجھ ہے کہ وہ کیا کر رہا ہے، میرے کہنے کا مطلب وہ شخص جو پی ایچ پی یا کم ازکم ایچ ٹی ایم ایل کی تھوڑی بہت سوجھ بوجھ رکھتا ہے وہی کرے تو بہتر رہے گا.
رہی بات ان تبدیلیوں کی تو اس پلگ ان کے ساتھ اس کی ہدایات کی فائل موجود ہوتی ہے جس میں ہربات بالکل واضح انداز میں لکھی ہوتی ہے کہ فلاں لائن میں فلاں تبدیلی اور فلاں میں فلاں تبدیلی کرنی ہے.
اس پلگ ان کا نام یوزر ریمئنڈر ایک اعشاریہ صفر پانچ ہے اور یہ اس لنک سے ڈاونلوڈ کر سکتے ہیں.
اتنا کچھ میں نے بتا دیا ہے اب ٹوٹیوریل آپ بنا دیں.
مگر میرا مشورہ ہے کہ ابھی نہ لکھیں تاکہ یوزرز فی الحال یہی سمجھیں کہ انہیں اردونامہ انتظامیہ میل کر رہی ہے کیونکہ اگر انہیں یہ پتہ چل گیا کہ یہ ایک خودکار سسٹم ہے تو وہ اسے نظر انداز کر دیا کریں گے.

باقی کلاؤڈ فلئر کے بارے میں پھر کسی دن لکھوں گا.

جی ہاں. پی ایچ پی بی بی میں پلگ ان انسٹال کرنا بہت مشکل کام ہے. میں نے کچھ موڈ ایڈ کئے تھے. کافی لمبا پروسیس تھا.
میں اس پلگ کو سٹڈی کر کے لوکل ہوسٹ پرا ٹرائی کرتا ہوں. ابھی ٹیوٹورل نہیں بناتا...
بہت بہت شکریہ

ماجد بھیا کیا بات ہے اپکی .
بہت ہی اچھا کیا ہے اور سپیڈ کا فرق تو بالکل واضح ہے. لوڈنگ کا دورانیہ واقعی میں کچھ کم ہو گیا ہے.

زبردست کام کیا ہے

جی مشکل ضرور ہیں مگر آپ کےلئے کچھ بھی مشکل نہیں ہو گا کیونکہ آپ جانتے ہیں کہ آپ کو کیا کرنا ہے اور کیسے کرنا ہے.
مشکل صرف اس کے لئے ہے جو اس کام سے بالکل نابلد ہے.


اشفاق علی بھیا اور شازل بھیا پسند کرنے کا بہت بہت شکریہ اور یہ سب آپ احباب کی حوصلہ افزائی اور شازل بھیا کی شاگردی کا نتیجہ ہے.

آپ نے ابھی تک میرے پی ایم کا جواب نہیں دیا

کونسا پی ایم شازل بھیا.

میں نے کچھ دن پہلے آپ کو بھیجا تھا
ہوسکتا ہے پیغام کہیں پھنس گیا ہو

ارے نہیں یار یہ میسج تو مجھے ملا تھا بلکہ آج دوبارہ مل گیا ہے
مگر مجھے اردونامہ پر یہ فائل نہیں ملی ہے.
دوسری رہی بات اردو فعال نہ ہونے والی تو جہاں تک بات ہوتی ہے سادہ پی ایچ پی کی تو وہاں تو اردو آسانی سے شامل ہو جاتی ہے البتہ اگر وہاں جے کیوری یا پھر جاوا اسکرپٹ وغیرہ استعمال کیا گیا ہو تو پھر اردو ایڈیٹر اس طریقہ سے شامل نہیں ہوتا ہے جس طریقہ سے پی ایچ پی یا ایچ ٹی ایم ایل میں شامل کیا جا سکتا ہے.

اگرجے کیوری کو ڈس ایبل کرکے شامل کریں تو تھیم کا مزا جاتا رہتا ہے

یہ بات تو آپ کی درست ہے.

دیر سے آنے کے لیے معذرت خواہ ہوں،

سپیڈ کا فرق واقعی میں محسوس ہورہا ہے، اور جہاں تک خودکار سسٹم کی بات ہے تو واقعی میں اس کی کمی شدت سے تھی، کم سے کم ہم جیسے لوگوں کے لیے تو اشد ضروری تھا،

چاند بھائی عمدہ کاوش کے لیے تہہ دل سے شکریہ

بہت شکریہ بلال بھیا.

ایک اور اطلاع حاضر ہے.
اردونامہ بلاگ کا تھیم بھی تبدیل کر دیا گیا ہے.
اب لگایا جانے والا تھیم رسپانسو ہے اور اچھا بھی لگ رہا ہے.
دوستوں سے رائے کی درخواست ہے.

اور اگر کوئی دوست اس میں کوئی بہتری چاہتا ہے تو وہ بھی بتا سکتا ہے.
[link]http://urdunama.org[/link]

مجھے اس تھیم کے لئے ایک عدد ہیڈر لوگو کی ضرورت ہے.
کون صاحب مدد کریں گے بہترین سا لوگو بنانے میں.
بلکہ بنا کر دینے میں.
لوگو کا بیک گراونڈ سفید تحریر سرخ اور اگر کلک استعمال کرکے بنائی گئی ہو تو بہترین رہے گی.

اشفاق علی یوسفزائی، شعیب اور میاں اشفاق صاحبان سے مدد کی درخواست ہے.

تھیم بہت کمال کی ہے. بس ایک کمی ہے وہ یہ کہ
فورم، کتاب گھر، فیس بک پیج کے لنکس واضح طورپر بٹنز کی شکل میں ہیڈر کے اوپر یا قریب کہیں لگا دیں

اور ہیڈر کا سائز کتنا ہو ؟
ریزولیشن کتنی رکھنی ہے ؟

یہ ساری باتیں میں آپ سے تفصیلات کے ساتھ صبح ڈسکس کروں گا انشاءاللہ