ہاٹ میل: نئے پہلو متعارف کروانے کا اعلان

[محمد شعیب]

مائیکروسافٹ نے یاہو اور گوگل کا مقابلہ کرنے کے لیے اپنی ای میل سروس میں نئے پہلو متعارف کروانے کا فیصلہ کیا ہے۔
مائیکروسافٹ کے مطابق نئی ای میل سروس میں ہاٹ میل کے ذریعے بھیجی جانے والی دستاویزات کو اس کے آفس نامی سافٹ ویئر کے ذریعے دیکھا اور تبدیل کیا جا سکے گا۔
نئی ای میل سروس میں سکیورٹی بھی بہتر کی جائے گی۔ ہاٹ میل دنیا کی سب سے بڑی ای میل سروس ہے لیکن اسے امریکہ میں سخت مقابلے کا سامنا ہے۔
تجزیے کرنے والی فرم ’کام سکور‘ کے مطابق امریکہ میں یاہو اب بھی مفت ای میل کی سہولت فراہم کرنے والی کمپنیوں میں سر فہرست ہے، مائیکروسافٹ دوسرے نمبر پر ہے جبکہ گوگل کی جی میل سروس تیزی سے بازار میں اپنے حصے میں اضافہ کر رہی ہے۔
ونڈوز لائیو کے ایک ڈائریکٹر والٹ ہارپ کا کہنا ہے کہ ای میل سروس میں تبدیلیوں کا مقصد لوگوں کو اِن باکس میں آنے والی زیادہ سے زیادہ معلومات کو آسانی سے دیکھنے میں مدد فراہم کرنا ہے۔
والٹ ہارپ نے کہا کہ ’آپ اپنی زندگی میں تنظیم یہیں سے لے کر آتے ہیں، اپنے ای میل اکاؤنٹ کے ذریعے۔‘
ای میل سروس کے زیادہ تر نئے پہلو گرمیوں کے موسم کے بعد میسر ہوں گے جبکہ آفس میں تازہ ترین تبدیلیاں سن دو ہزار کی خزاں کے بعد ہی میسر ہوں گی۔
ونڈوز لائیو ہاٹ میل دنیا میں ای میل فراہم کرنے والی سب سے بڑی کمپنی ہے۔ ان کا دعویٰ ہے کہ ان کے صارفین کی تعداد چھتیس کروڑ سے زیادہ ہے۔

[علی خان]

معلومات میں اضافے کے لئے مشکور ہوں.

[چاند بابو]

اچھی معلومات شئیر کرنے کا شکریہ بھیا جی۔

[اضواء]

بہترین معلومات کا شکریہ

[علی عامر]

معلومات کے لئے شکریہ ..

[محمد شعیب]

آپ سب کا بھی شکریہ